Erraketekin Belaguara irteera antolatu du Aizkorri Mendi Elkarteak
Urtarrilaren 21rako antolatu dute irteera eta izena eman behar da.
Aizkorri Mendi Elkarteak Belaguara irteera antolatu du, urtarrilaren 21rako, larunbata. Mendi elkarteak antolatu duen irteera hau erraketekin gingo dute, eta elurrak baldintzatuko du.
Egun horretarako plana izango da, Belaguako El Ferial-eko babeslekutik abiatuta, bost edo sei kilometro inguruko ruta zirkularra egitea. Erraketen alokairua, elkarteak kudeatuko du.
Izen ematea
Irteeran parte hartu nahi dutenek, izena eman beharko dute aldez aurretik. Horretarako azken eguna, urtarrilaren 18a izango da. Bide desberdinak erabil daitezke izena emateko: internet bidez aizkorrimendi@gmail.com epostara idatzita; 616 310 535 telefono zenbakira deituta; edo, egoitzara bertara joanda, urtarrilaren 11an eta urtarrilaren 18an, 19:00etatik 20:00etara.
Prezioari dagokionez, helduak 20 euro eta haurrak 10 euro ordaindu beharko dute.
Gogoan izan, irteeraren egunean norbere bazkaria eraman beharko duela.
Urtarrilaren 21ean, goizeko 07:00etan geratu dira Beasaingo Gipuzkoa plazan. Handik abiatuko dira Belagua aldera.
