Zeraingo turismo bulegoan lan egiteko deialdia
Urtero bezala Zeraingo turismo bulegoak bertan lan egiteko deialdia luzatu die 18 eta 30 urte bitarteko zeraindarrei. Turismo bulegoan informazioa eman eta dendan bezeroak artatzea dira egin beharreko lanak, asteburuetan. Larraondo zerrategian eta Aizpeako meatze gunean bisita gidatuak egiteko ere jendea behar dela adierazi dute.
Otsailean trebakuntza bat egingo da eta beharrezkoa izango da bertan parte hartzea lan egin nahi dutenentzat. Aurrerago jakinaraziko da saio honen data eta ordua.
Interesatuek turismo bulegoarekin harremanetan jarri beharko dute turismobulegoa@zerain.eus helbidean edo 943 80 15 05 edo 649 946 277 zenbakietara deituta. Aurreko urteetan lan egin dutenek ere, mezu bat helarazi beharko dute jarraitu nahi dutela baieztatzeko. Izena emateko azken eguna urtarrilaren 31 izango da.
