Iruñeko txistularien banda izango da Igartza Musika Zikloko hirugarren saioan
Igandean izango da, Igartza jauregian, 12:00etan hasita.
Iruñako txistularien banda entzuteko aukera izango da Igartza Musika Zikloko hirugarren kontzertuan, igandean. Igartzako jauregian izango da, 12:00etan hasita.
Sortu zenetik, Iruñeko Txistulari Bandak, San Ferminetako ekintzetan parte hartu izan du, hala nola, jaien hasierako suziriaren jaurtiketan, kalejira eta prozesioetan, eta haurren eguneko eta pertsona nagusien eguneko kalejiratan eta dantzaldietan. Beste hainbat emanaldi ere eskaini ohi ditu urtean zehar, besteak beste, Aldapako San Ferminetan kontzertuak, 30 bat diana urtean zehar eta beste 19 inguru dantza emanaldi. Iruñatik kanpoko beste hainbat jarduketatan ere parte hartu ohi du, Beasainen izango den honetan bezala.
Laugarrena, Islak
Igartza Musika zikloko hurrengo kontzertua otsailaren 26an izango da; Mikel Azpiroz piano jole donostiarraren Islak proiektua izango da.
