Ikasle Jaialdia ospatuko dute larunbatean Legazpiko Gaztetxean
Martxoaren 8aren inguruko solasaldia eta kontzertuak izango dira, besteak beste. Itaiak eta Ikasle Abertzaleak antolakundeek prestatu dute.
Gaztetxean ospatuko da Ikasle Jaialdia Goierriko Itaiak eta Ikasle Abertzaleak antolakundeek antolatuta, Ikasle Jaialdia ospatuko dute larunbatean, Legazpiko Gaztetxean.
Jaialdia goizean hasiko da, 11:00etan, murala margotzearekin, eta jarraipena izango du arratsaldean, 17:30ean hasita, M8, zergatik mobilizatu izenburuarekin egingo duten solasaldiarekin. 19:00etan kontzertu akustikoa hasiko da, eta pintxoak jateko aukera izango da tarte horretan. Gauean, 23:00etan, kontzertu nagusia hasiko da. Akerraren seinale eta Iltze taldeek joko dute, eta ondoren Dj Wollen disko jartzaileak egingo duen emanaldiarekin amaituko da Ikasleen Jaialdi hori.
