Aste Santuko kontzertua egingo du Santikutz Abesbatzak larunbatean
Parroki elizan izango da, 20:00etan. Ohi bezala, Marian Lasak zuzenduko du.
Aste Santua gerturatzen ari dela eta, Legazpiko Santikutz Abesbatzak garai honetan urtero eskaintzen duen kontzertua egingo du larunbatean, apirilak 1. Oraingoan ere, Aste Santuari lotutako errepertorioa eskainiko dute kantariek Marian Lasak gidatuta. Kontzertua parroki elizan izango da, 20:00etan,
Hauxe da kontzertu honetarako prestatutako egitaraua: Pater Noster (N. Kedrov), Popule Meus (T.L. Victoria), Attende Domine (anonimoa), Pange Lingua (A. Bruckner), O Jesu Christe (J. V. Berchem), Stabat Mater (Z. Kodaly), Miserere (V. Goikoetxea), eta Amazing Grace (J. Newton).
