Eski konponketa ikastaroa eta Ramon Olasagastiren mendiko komiki liburuen aurkezpena, Zaldibian

Eskiak konpontzen ikasi ahalko da gaur Zaldibian ikastaroan, Gailurrerantz mendi elkarteak antolatutako ekitaldiei hasiera emateko. Euskal mendizaletasunaren historia komikietara eraman du Olasagastik, eta ostegunean aurkeztuko du.

Aimar Maiz

Zaldibia

2023/04/18

Gailurrerantz mendizale elkarteak bi ekitaldi antolatu ditu aste honetarako, mendizaletasunarekin lotutakoak. Gaur, asteartea, eskiak konpontzeko ikastaroa izango da, Mikel Goñik emana. 17:30etik 21:00etara, Joxepaneko goiko aretoan da. 25 euro ordaindu behar da, eta izena aurrez eman (686 85 59 47).

Etzi, osteguna, berriz, Ramon Olasagastik Euskal mendizaletasunaren historia komiki bildumako hiru liburu aurkeztuko ditu, 19:00etan Joxepanen.