Irati Zubizarretak eta Aitor Zunzunegik Munduko Kopan parte hartuko dute
Espainiako mendi lasterketa txapelketan lortutako emaitza onagatik, Euskal Selekzioarekin parte hartuko dute Munduko Kopan.
Euskal selekzioarekin Irati Zubizarreta, Aitor Zunzunegi eta Gaizka Lasa. Espainiako mendi lasterketa txapelketan, Rute herrian (Kordoba, Andaluzia) lan bikaina eginda itzuli dira Irati Zubizarreta beasaindarra, eta Aitor Zunzunegi eta Gaizka Lasa legorretarrak. Zubizarretak, bosgarren egin du maila absolutuan. Zunzunegik eta Lasak berriz, promesetan, hirugarren eta hamabigarren egin zuten, hurrenez hurren. Lortutako emaitzei esker, Euskal Selekzioarekin Munduko Kopan parte hartuko dute Zubizarretak eta Zunzunegik. Apirilaren 29an, Calamorro Skyrace lasterketan (Benalmadenan, Malaga) parte hartuko dute, eta maiatzaren 14an, Skyrace Matheysins lasterketan, Frantziako Alpeetan.
