Nahasi Artistikoa taldearen erakusketa inauguratuko dute, bihar, Altarten
19:30ean hasiko da. 14 margolari eta argazkilariren lanak egongo dira ikusgai, maiatzaren 28ra arte.
Nahasi Artistikoa taldearen erakusketa inauguratuko dute bihar Altamirako Altarte elkartean, 19:30ean. 14 margolari eta argazkilariren lanak egongo dira ikusgai bertan, maiatzaren 28ra arte. Lanegunetan, elkartearekin harremanetan jarrita ikusi daiteke erakusketa, eta larunbat eta igandetan, aldiz, 12:00etatik 13:30era egongo da irekita.
Artista hauen lanak egongo dira ikusgai: Aitor Merchan, Angel Frias, Eli Agirre, Iban Aranburu, Iker Dorronsoro, Jesus Lopez Zulueta, Javier Soto, Jokin Telleria, Maider Urretabizkaia, Patxi Morales, Peio Goello, Pelex, Sergio De La Fuente eta Victor San Juan.
