Hegialdeko jaiak girotzeko hasteko, rock kontzertua
Kontzertua Legazpiko Laubideko Kale nagusian izango da, 20:00etan hasita.
Hegialdeko jaiak hurrengo asteburuan ospatuko badira ere, honetan ere izango da festa giroa auzoan. Ostiralerako rock kontzertua antolatu dute, eta bertan izango dira Edu Zardoya, Hell Riders, Velvet Bullets eta Woolen taldeak.
Kontzertua Laubideko kale nagusian egingo dute, 20:00etan hasita. Antolatzaileek jakinarazi dutenez, barra eta otartekoak ere egongo dira.
