Gorri koloreko patin topaketa Zaldibian
Haur eta gaztetxoentzako abilezia zirkuitua, patin martxa herrian zehar eta patinatzaile profesionalen lasterketa egin dituzte, Zaldibiako Irristaka patinaje taldeak antolatuta.
LH-3 eta 4 mailetako patinatzaileak martxan abiatzeko zain. // Argazkia: Iñaki Gurrutxaga II. Patin Topaketa egin zuten atzo arratsaldean Zaldibian, Irristaka patinaje taldeak antolatuta. Lehendabizi plazan egokitutako abilezia zirkuituan ibili ziren haur eta gaztetxoak, eta segidan patin martxa egin zuten herrian barrena zikloka banatuta, denak ere taldearen gorri koloreko elastikoa soinean zutela. Topaketari bukaera emateko patinatzaile profesionalek lasterketa egin zuten. Hamar itzuli eman behar izan zizkioten zirkuituari, sei kilometro osatuz. Aitor Vacas izan zen irabazlea. Tolosako Irristaka taldeko hainbat kidek ere parte hartu zuten.
Argazkiak: Iñaki Gurrutxaga
Bideoa: Gotzon Aranburu
