Nikolas Alustiza zumarragarrak irabazi du Segurako 65. San Joan proba
Bigarren Samuel Fernandez (Caja Rural) sailkatu da, eta Iñaki Diaz Melero hirugarren. Taldeka Laboral Kutxa nagusitu da, eta Mendiko saria Galder Bengoetxeak eskuratu du.
Podiuma osatu duen hirukotea, Mendiko sariaren irabazlea eta Euskaldun Txapelketaren liderra, gaur, Ekhi Albizu Kirol zinegotziarekin. // Argazkia: Iñaki Gurrutxaga Nikolas Alustiza zumarragarrak (Laboral Kutxa) irabazi du gaur goizean jokatu den Segurako 65. San Joan proba. Bigarren Samuel Fernandez (Caja Rural-Alea) sailkatu da, eta Iñaki Diaz Melero (Laboral Kutxa) hirugarren.
Taldeka Laboral Kutxa izan da onena, eta Mendiko saria Galder Bengoetxeak jaso du.
Segurako 65. San Joan proba Euskaldun Txapelketarako puntuagarria izan da, eta gaurko lasterketaren ondoren, Julen Arriola-Bengoak (Caja Rural-Alea) jantzi du liderraren maillot urdina.
Elite eta 23 urtez azpiko karrera izan da Segurakoa, eta 131,4 kilometroko ibilbidea osatu behar izan dute ziklistek. Sei aldiz igo behar izan dute Liernia Ormaiztegi aldetik, eta azken itzulian Zeraingo kaskoa ere bai.
Argazkiak: Iñaki Gurrutxaga
Laboral Kutxak irabazi du taldeka. // Argazkia: Iñaki Gurrutxaga
Galder Bengoetxea Mendiko sariaren irabazlea. // Argazkia: Iñaki Gurrutxaga
Nikola Alustiza (1), Samuel Fernandez (2) eta Iñaki Diaz Melero (3) podiumean. // Argazkia:Iñaki Gurrutxaga
Julen Arriola-Bengoa Euskaldun Txapelketako liderraren maillot urdinarekin. // Argazkia: Iñaki Gurrutxaga
Saritu guztiak podiumean. // Argazkia: Iñaki Gurrutxaga
