Ormaiztegiko II. Goitibera lasterketa iruditan
Hamasei partaide lehiatu dira Mendizabal auzotik behera jokatu den lasterketan, bost modalitatetan banatuta. Sailkapena eta argazkiak albiste barruan.
Ormaiztegiko II. Goitibera lasterketa jokatu da gaur, Maldan Behera Inertzia Kirolen elkarteak antolatuta. Euskal Inertzia Koparako eta IV. Sputnik Koparako puntuagarria izan da.
Mendizabal auzoan irtenda, 650 metroko ibilbidea osatu dute parte hartzaileek, maldan behera Ormaiztegiko herrigunean egongo den helmugara iristeko. Aldapa motza baina pendiz handikoa da, iaz bezala, lasterketarako aukeratu dutena. Mendizabaldik behera hiruna jaitsialdi egin behar izan dituzte parte hartzaileek, horietatik bat entrenamenduzkoa eta bi kronometratuak.
Bost kategoria ezberdinetan jokatu da proba: Pneumatika, Europarrak, Speed Trike, Errodamenduak eta Uretano. Maila guztietan lehendabiziko hiru denbora onenak egin dituzten lasterkariak saritu dituzte.
Argazkia: Iñaki Gurrutxaga
