San Joan bezperako erromeriarako dantzak ikasteko saioa, gaur
Sustraiak dantza taldearen lokalean izango da, 20:15ean. San Joan zortzikoa etxean ikasteko bideo bat kaleratu dute.
ARGAZKIA: Josu Altzelai San Joan bezperan suaren ondoren plazan egingo diren dantzak erakusteko saioekin jarraitzen du Sustraiak dantza taldeak. Astearteetan dira, 20:15ean, taldearen lokalean. Ahalik eta ekitaldirik herrikoiena egin ahal izateko adin guztietako herritarrei irekia da ikastaroa.
Entseguetara joateko aukerarik ez dutenentzat, bestalde, bideo bat kaleratu dute, San Joan Zortzikoaren pausoak etxean landu ahal izateko.
