Gazte martxan izena emateko epea zabalik dago
Uztailaren 14tik 15era izango da martxa. Izen-ematea uztailaren 8an itxiko da
Iazko lehenengo martxan 30 kide inguruk parte hartu zuten Bueltan da berriro ere Beasain-Orio gaueko gazte mendi martxa. Aurten uztailaren 14tik 15era izango da eta 36 kilometro izango ditu denera ibilaldiak. Oriorainoko ibilbidea oinez egingo duten arren, bueltarako autobusa egongo da.
Uztailaren 14 gauean, 22:30ean, abiatuko dira partaideak Beasaingo Bideluze plazatik. Oriora iristean gosaria egingo dute, eta itzultzean bazkaria, Aizkorri Mendizale Elkartean. Bazkarira joateko aurretik izena eman beharko da.
Eraman beharreko materialari dagokionez, antolakuntzakoek eskatu dute: mendirako arropa egokia, mendirako motxila, ura eta janaria, eta aldatzeko motxila eramateko.
Izena emateko azkeneko eguna uztailaren 8a da eta gutxienez 16-17 urte izan behar dira. Izena emateko sakatu hemen.
