Ataungo Arrondo auzoko San Joan jaiak
Ataungo Arrondo auzoan ere festak ospatuko dituzte. Gaur hasiko dira. 20:00etan kalejira egingo dute soinujoleekin, 20:30ean auzo afaria egingo dute bertsolariek eta trikitilariek lagunduta eta gauerdian sua piztuko dute. Biharko ere hainbat ekitaldi antolatu dute. 11:00etan 15. mendiko bizikleta proba egingo dute. Baztarrika zelaiko ibilbidea osatu beharko dute. Hiru maila egongo dira: 8 urte artekoak, 9-12 urtekoak eta 13-15 urtekoak. Lehen hiru neskek eta lehen hiru mutilek sariak jasoko dituzte. 12:00etan, toki berean, euskal artzain txakurrek erakustaldia egingo dute.
Bazkalostean mus txapelketa jokatuko dute. Parte hartu nahi dutenek, 16:00etatik 16:30era eman beharko dute izena. Biharko ekitaldiekin bukatzeko, 19:00etan haurren futbolin txapelketa hasiko da eta 22:15ean helduen futbolin txapelketa.
Festak igandean amaituko dira. 09:00etan mendi ibilaldia egingo dute. Olatara joango dira. 12:15ean haurren toka txapelketa hasiko da eta 13:00etan helduena. 17:00etan haurrentzako jolasak egongo dira eta ondoren txokolate jana egingo dute.
