Biblioporrak udako gida kaleratu du aurten ere Legazpiko Udal Liburutegiak
Adin guztietarako liburuak, diskoak eta pelikulak gomendatzen ditu, euskarazkoak zein gaztelerazkoak. Liburutegian bertan eskuratu daiteke, baita on line ere, udalaren webgunean.
Udarako liburu, disko eta filmen gomendioak biltzen dituen Biblioporrak gida kaleratu du aurten ere Legazpiko Udal Liburutegiak. Aretxabaletako, Aramaioko, Arrasateko, Bergarako, Eskoriatzako eta Oñatiko liburutegiekin elkarlanean egindako gida da.
Adin guztietarako liburuak, diskoak eta filmak gomendatzen ditu gidak, euskarazkoak nahiz gaztelaniazkoak. Liburuak adinaren arabera sailkatuta daude: 0 urtetik aurrerako haurrentzat, 5 urtetik aurrerako haurrentzat, 8 urtetik aurrerako haurrentzat, gazteak eta helduak. Gomendatutako tituluetako batzuk liburutegian bertan daude maileguan.
Biblioporrak irakurketa gida liburutegian bertan eskuratu daiteke , baita on line ere, udaleko www.legazpi.eus webgunean.
