Oria ibaiaren garbiketa egingo dute gaur arratsaldean
Beasaingo Udalak eta Aranzadi Zientzia Elkarteak elkarlanean antolatu dute ekimena. Herria txukun mantentzea eta natur ondarea babestea da helburua
Gaur arratsaldean Oria ibaia garbituko dute Igartzako Monumentu Multzoko ibai eremuan, 17:00etan hasita. Lehenik sentsibilizazio hitzaldi bat emango dute Aranzadiko teknikariek, eta ondoren, ibaira jaitsi eta zaborra bilduko dute. Azkenik, jasotakoa pisatu egingo dute.
Beasaingo Udalak eta Aranzadi Zientzia Elkarteak elkarlanean antolatutako ekimena da. Honen helburua, herria txukun mantentzea eta natur ondarea babestea da.
Bi jardunaldi antolatu dituzte. Gaur egingo duten saioan ibaia garbituko dute, eta hurrengo asteartean, uztailaren 18an, espezie inbaditzaileen erauzketa egingo dute. Bi jardunaldietarako izena ematea beharrezkoa da esteka honetan.
