Izen-ematea ireki dute irailaren 24an egingo duten Aizkorrin Barrena mendi martxarako
Bi ibilbide prestatu dituzte aurtengo ediziorako ere. Biak Brinkolako geltokitik aterako dira.
Iazko edizioko partaide batzuk, mendi ibilaldia amaitu eta gero, Brinkolan. Irailaren 24an egingo dituzte aurten Aizkorrin Barrena mendi martxak, eta dagoeneko badago aukera internetez izena emateko www.kirolprobak.com webgunean. Aurretik izena ematea 12 euro da, eta egunean bertan, 15 euro.
Aizkorrin Barrenak 14. edizioa du aurten, eta ohi bezala, bi ibilbide izango ditu, Legazpiko Brinkola auzotik abiatuta, inguruko mendietan egiteko: 27 kilometroko Zanpa Zanpa, 08.00etan hasiko dena, 1ta 17 kilometroko Ttipi Ttapa, 09.00etan aterata.
Hurrengo asteartetik aurrera, hilak 12, beste toki hauetan ere eman ahal izango da izena: Izadi Zaleak elkartean astearte eta ostegunetan 18:30etik 19:30era; Bikuña kiroldegian, Urbeltz eta Insausti tabernetan eta Brinkolako Armuño elkartean hilaren 22ra arte; eta Zumarragako eta Urretxuko kiroldegietan hilaren 21era arte.
