Gorka Izagirrek Cofidisekin fitxatu du
Movistar Team talde nafarran bi denboraldi egin ondoren, 35 urteko ormaiztegirrak urtebeteko kontratu sinatu du talde frantziarrarekin. Ion anaiaren albora itzuliko da
Gorka Izagirre eta Ion, pasa den Frantziako Tourrean / Cofidis Team Gorka Izagirrek Cofidisen korrituko du datorren denboraldian. Denboraldi baterako sinatu du ormaiztegiarrak. Ion anaia alboan izango du berriro, Euskaltel-Euskadin, Movistar Teamen, Bahrain Meridan eta Astanan ere taldekide izan zirelako. Ia kirol ibilbide profesional osoa da hori, baina azken bi urteetan Ion Cofidisekin lehiatu da eta Gorka, Movistar talde nafarrean.
✍️ Bienvenue Gorka Izagirre !
— Team Cofidis (@TeamCOFIDIS) September 22, 2023
💻 https://t.co/bsan7T9R5J#CofidisMyTeam pic.twitter.com/sTC4FRsIt1
UCI World Tourrean jokatu du bere ibilbide osoa: Euskatel-Euskadi (2010-2013), Movistar Team (2014-2017, 2022-2023), Bahrain Merida (2018) eta Astana (2019-2021). Hemezortzi Itzuli Handitan lehiatu da (10 Frantziako Tour barne) eta bederatzi garaipen ditu. Horien artean, Italiako Giroko etapa bat (Movistar Teamekin lortu zuen, Peschicin, 2017an), lineako Espainiako Txapelketa bat (2018) edo La Provenceko Tourra (2019). Gainera, hirutan irabazi du Ordiziako Klasika.
Fitxaketa ofizial egitean Izagirrek esan du oso pozik dagoela nago erronka berri honekin. “Niretzat talde berri bat da, herrialde berri bat, hizkuntza berri bat, eta ahal dudan guztia egingo dut maila berean egoteko. Ionek gauza onak baino ez dizkit esan talde honi buruz, eta plazera da talde horretako kide izatea. Ondo ezagutzen ditut korrikalari espainiarrak eta teknikariak. Nire helburua Cofidiseko liderrei distira egiten laguntzea izango da, eta ahal duten guztia egitea ahalik eta garaipen gehien lor ditzaten”.
Cedric Vasseur Team Cofidiseko zuzendari nagusiak ere hitz politak izan ditu goierritarrarentzat: “Gorka Izagirre bezalako txirrindulari eskarmentudun baten etorrera balio erantsi ukaezina da taldearentzat eta gure gazteentzat. Gorkaren ibilbideak eta ibilbideak berez hitz egiten dute eta World Tourrean aurrerapauso berri bat bermatzen digute. Gorkak eta Ionek distira egin dute beti elastiko bera janzteko aukera izan dutenean, eta ziur nago Cofidisekin gozatuko gaituztela. Gorka Guillaume Martinen taldekide baliotsua izango da etapakako lasterketetan eta egun bateko lasterketa garrantzitsuetan. Bere profesionaltasuna, pertseberantzia eta motibazioa aktiboak izango dira, taldeari mugarri berriak lortzeko aukera emango diotenak”.
