Zuhaitz bat errepidera erori da Beasainen
Estanda lantokiaren parean erori da makala errepidera. Beasain eta Salbatore arteko zirkulazioa etenda dago. Errepideetako langileak arbola errepidetik kentzeko lanean ari dira.
Hego haizea zakar dabil gaur eta haizetearen ondorioetako bat izan da gaur arratsaldean Beasainen, Ormaiztegirako noranzkoan, Estanda lantokiaren parean. Oinezkoen bidetik errepidera zuhaitz bat erori da. Ondorioz, Beasain eta Salbatore arteko zirkulazioa etenda dago eta udaltzainak eta ertzainak zirkulazioa desbideratzen ari dira Antzizar kiroldegi parean. Errepideetako langileak makala errepidetik kentzeko lanean ari dira.
