'Saskia bete bihotz' liburua kaleratu dute, Igor Iñurritegi eta Andoni Zabaleta gogoratzeko
Liburuak 15 euro balio du, eta Kultur Etxean, Korosti kafean eta Kukue eta Karibe tabernetan eskatu daiteke, baita Internetez ere. Pen Drive bat darama, hainbat bideo, argazki eta abestirekin.
Apirilean egin zitzaien omenaldiaren bideoa ere jasota dago Pen Drive-an. Aurtengo martxoan auto istripuz hil ziren Igor Iñurritegi eta Andoni Zabaleta legazpiarraren omenez Saskia bete bihotz liburuxka kaleratu dute, eta salgai jarri dute 15 euroan. Kultur Etxean, Korosti kafean eta Kukue eta Karibe tabernetan eskatu daiteke azaroaren 5a baino lehen. Esteka honetan ere egin daiteke eskaria: https://labur.eus/saskiabetebihotz. Herritik kanpora jaso nahi duenari bidalketa gastuak gehituko zaizkio.
Liburuak USB pen drive bat darama barnean, honako edukiarekin: apirilaren bi legazpiarrei Urbeltz pilotalekuan egin zitzaien omenaldi osoaren bideoa, euskaraz, katalanez eta erdaraz azpi titulatuta, eta bideoaren hitzen transkripzioa PDFn; liburua bera PDF formatuan; San Ignazioko jaietan egin zitzaien omenaldiaren bideoa eta argazki bilduma; Iñurritegiri eta Zabaletari eskainitako hiru abestiak (bertso eskolak eta herriko musikariek egindako Saski bat bete bihotz, lagunek egindako A todos ellos, eta Elbereth taldearen Argia itzali da).
Liburua nolakoa den ikusteko: https://youtu.be/Iv2nYxiC8f8.
