Gaur hasiko dira Ander Deunaren jaietako danborrada entseguak
Azaroaren 26an, eguerdiko 12:00etan haurren danborrada izango da, eta helduena, azaroaren 29an iluntzeko 20:00etan.
Iazko helduen danborrada Urtero lez, Ormaiztegiko Ander Deunaren jaietan danborrada ospatuko dute Ormaiztegin. Bi danborrada izango dira: haurrena, San Andres Herri eskolako guraso elkarteak antolatua; eta, helduena, herritar talde batek antolatua. Haurrena hilaren 26an izango da eguerdiko 12:00etan, eta, helduena aldiz, hilaren 29an iluntzeko 20:00etan.
Haur zein helduek entseguak gaur hasiko dituzte. Bost entsegu egingo dituzte azaroaren 22ra arte, asteazken eta ostiraletan. Gaztetxoen taldeak 19:00etatik 20:00etara izango dute entsegua eta helduek 20:00etatik 21:00etara. Entsegu guztiak Karramarro aretoan izango dira, eta izen emateak entseguetara hurbiltzeko konpromisoa dakarrela azpimarratu nahi izan dute.
