Ondare etnografikotik abiatuta bitxigintzara Igartubeitin
Tradizioa Soinean erakusketa eskainiko dute Ezkioko Igartubeiti baserriko interpretazio zentroan igandera arte.
Igandera arte ondarearen Europako jardunaldien barne antolatutako erakusketa eskainiko dute Ezkioko Igartubeiti baserrian. Erakusketak Tradizioa Soinean du izena eta bitxigintza berria du xede ondore etnografikotik abiatuta.
Antzinako objektuak inspirazio izan dira baserrietako lan tresnak sortzeko. Eta, baserriko lan tresnak ondorengo tresna gehiago sortzeko. Aranzadi Zientzia Elkarteak eta Bideberri BHIko Bitxigintza Diseinuko Goi Mailako Zikloko ikasleak elkarlanean ibili dira, eta ondare etnografikoan oinarritutako bitxiak sortu dituzte, bitxi hauek ikusteko aukera egongo da asteburu honetan Igartubeitiko interpretazio zentroko Tradizioa Soinean erakusketan.
