Astelehenean piztuko dituzte Gabonetako argiak Legazpin
Aurten herriko gune gehiagotan jarri dute argiztapen berezia. Urtarrilaren 7ra arte egongo dira piztuta. Udaletxeko balkoiak Garaguneko kideek egindako elementuekin apaindu dituzte aurten ere.
Udal langileek udaletxeko balkoia apaindu dute dagoeneko. ARGAZKIA: Legazpiko Udala Astelehenean, abenduak 4, piztuko dira Legazpiko kale eta auzoetan Gabonetako argiak, eta urtarrilaren 7ra arte egongo dira piztuta, egunero, 18:00etatik 22:00etara. Aurten udalak herriko gune gehiago argiztatuko ditu.
Udaletxeko balkoietan, bestalde, Garaguneko kideek egindako apaingarriak jarri dituzte, azken urteetan bezala.
