Azatxo 9. Saskibaloi campuserako izen-ematea irekita dago
Abenduaren 26an, 27an, 28an eta 29an eta urtarrilaren 2an, 3an, 4an eta 5ean izango da, 10:00etatik 13:00etara. 2012 eta 2015 urteen artean jaiotakoentzat da.
Azatxo 8. saskibaloi kanpusa, iaz. Azatxo 9. Saskibaloi Campusa antolatu du Ordizia Saskibaloiak Gabonetarako. Izena eman dezakete jada parte hartu nahi dutenek. Abenduaren 26an, 27an, 28an eta 29an eta urtarrilaren 2an, 3an, 4an eta 5ean izango da, 10:00etatik 13:00etara, Majori kiroldegian. 2012 eta 2015 urteen artean jaiotakoei zuzenduta dago. Izen-ematea irekita dago.
Kanpus osorako edo aste bakarrerako eman daiteke izena. Kanpus osoko kuota 70 eurokoa da (Azatxo Sakibaloi Eskolakoentzat 60 euro), eta aste bakarrekoa 40 eurokoa (eskolakoentzat 35 euro).
Parte-hartzaileen kopuruari dagokionez, bilakaera “oso ona” izan dela azaldu du Ordizia Saskibaloiak, eta aurtengoa ere “aurrekoak bezain arrakastatsua” izatea espero dute. Haur bakoitzaren beharretara egokituko diren begirale eta entrenatzaileak izango dituzte. Kanpus irekia da, inguruko herri guztietako neska-mutilei irekita dago. Eskualdeko saskibaloi zaletuen bilgune izan nahi dute, eta ikastetxe ezberdinetako haurren kohesioa bultzatu.
Izen-ematea
Izena eman nahi dutenek Ordizia Saskibaloiaren webgunean dagoen galdetegia bete behar dute, eta ondoren, bertan agertzen diren kontuetako batean ordainketa egin. Ordainketaren agiria saskieskola@ordiziasaski.eus helbide elektronikora bidali behar dute.
