Helduentzako ipuin kontaketa Amaia Elizagoienen eskutik
Amaia Elizagoien ipuin kontalaria. Amaia Elizagoienen eskutik helduentzako ipuin kontaketa saioa antolatu du Zegamako Gazte Herexak, biharko. Ipuin kontaketa Zegamako gaztelekuan egingo da, 20:00etatik aurrera. 50 ikuslerentzako lekua dago eta aldez aurretik izena eman behar da zegamakogazteherexa@gmail.com helbidera mezu bat idatzita. Antolatzaileek jakinarazi dutenez, behin izena emandakoan mezu bat jasoko da lekua gordeta dagoela adierazteko. Era berean, izena eman eta joaterik ez dutenei aldez aurretik abisatzeko eskatu diete. Txokolate beroa banatuko dute ekitaldian, bertaratutakoen artean.
