Abenduaren 23an izango den ‘Sagastitarrak’ antzezlaneko sarrerak, salgai
Kultur etxean edo udaletxean erosi daitezke aurrez, 10 euroan. Egunean bertan leihatilan ere jarriko dituzte salgai.
Abenduaren 23an Sagastitarrak antzezlana izango da, 19:00etan, Legorretako Herri Antzokian. Sarrerak salgai daude kultur etxean eta udaletxean, 10 euroan. Egunean bertan leihatilan ere egongo dira eskuragarri, 18:30etik aurrera. Begoña Bilbaok zuzenduta, Joseba Apaolaza, Ainhoa Etxebarria eta Koldo Olabarri dira antzezleak. Sagastitarren arteko harremanean oinarritzen da lana. Ane alabak lehen abizena aldatu nahi du. Anton aitak trikimailu guztiak aterako ditu hori gerta ez dadin.
