Iker Gutierrezen argazkiak ikusgai daude Gizarte Zentroko kafetegian
Argazkilari zumarragarraren lanak gutxienez urte amaierara arte egongo dira bertan. Buztintegi elkarteak antolatu du erakusketa.
Gizarte Zentroan ikus daitezke Iker Gutierrezen argazkiak. Iker Gutierrez argazkilari zumarragarraren lanak ikusgai daude Legazpiko Gizarte Zentroko kafetegian. Buztintegi elkarteak antolatutako erakusketa da, eta irailetik dago jarrita. Gutxienez urte amaierara arte ikusi ahal izango dira argazkiak.
Buztintegik antolatu ditu erakusketa gehiago Gizarte Zentroko kafetegian. Aurrekoan, elkarteak antolatzen dituen pintura klaseetako ikasleek egindako lanak izan zituen ikusgai.
