Ostiraleko magia galarako sarrerak salgai daude Interneten
Latxartegin izango da, 19:00etan, eta Eneko Gutierrez, Fernando de Rozas, Potx, Maria Arandia eta Peio Rivas magoek parte hartuko dute. Leihatilan ere jarriko dira salgai ostiralean bertan 18:00etan, geratzen badira.
Eneko Gutierrez Legazpiko magoa. ARGAZKIA: Tere Madinabeitia Legazpiko Latxartegi aretoan ostiralean ospatuko den Euskal Magoen Galarako sarrerak internetez erosi daitezke 5 euroan, https://latxartegisarrera.sacatuentrada.es/ webgunean. Egunean bertan ere erosi ahal izango dira leihatilan 18:00etan, geratzen badira. Gala 19:00etan hasiko da.
Eneko Gutierrez legazpiar magoak antolatu du gala, eta aurkezle lanak egingo ditu ikuskizunean zehar, Fernando de Rozasek lagunduta, magia komikoa ardatz hartuta. Potx Magoak ere parte hartuko du, eszenako magia eta clown saioak eginez; Maria Arandiak eszenako magia egingo du, eta nazioarte mailako magia txapelketak irabazi dituen Peio Rivasek manipulazioa landuko du.
