Eguberrietako aparteko azoka Ordizian abenduaren 27an
Garagartza plazan animalien, eta errege-sagar eta fruitu lehorren erakusketa egingo dituzte, besteak beste.
Sagarrak Ordiziako Eguberrietako aparteko azokan. //Argazkia: Arkaitz Apalategi. Urtero bezala, aurten ere Eguberrietako aparteko azoka egingo da Ordizian, datorren asteazken goizean, abenduak 27. Lehen ordutik aurrera, Garagartza plazan animalien eta errege-sagar eta fruitu lehorren erakusketa izango da. Asteroko plaza egongo da plazan eta herrigunean artisautza postuak jarriko dituzte.
Ohi bezala, Idiazabal Gazta Jatorrizko Deiturak, udalarekin eta Idiazabal Gaztaren Kofradiarekin elkarlanean, nazioarte mailan sariak irabazi dituzten gaztandegien lana aitortuko dute. Esker oneko ekitaldia 11:00etan izango da, Plaza Nagusian.
