'Saskia bete bihotz' liburua Karibe Zaharra tabernan dago eskuragarri
Iazko udaberrian hil ziren Andoni Zabaleta eta Igor Iñurritegi legazpiarren omenez egindako liburua erosteko aukera dago oraindik. Ostiral arratsaldean banatu zituzten enkargatutako aleak.
Ostiralean jaso ez ziren liburuak Karibe Zaharra tabernan daude eskuragarri. ARGAZKIA: Beti Gazte Iazko udaberrian auto istripuz hil ziren Andoni Zabaleta eta Igor Iñurritegi gogoratzeko kaleratu den Saskia bete bihotz liburua joan den ostiral arratsaldean banatu zuten, haien omenez Txomineneko pasabidean egindako festa txiki batean. Orduan liburua jaso ez zutenek, Karibe Zaharra tabernan dute eskuragarri.
Bestalde, enkargatu ez zutenek ere badute liburua erosteko aukera, eta interesa dutenek mezu bat bidali behar dute saskiabetebihotz@gmail.com helbidera.
Ostiraleko festara liburu bila agertu ziren askok argazkiak atera zituzten, eta horiek ikusgai daude Beti Gazte elkartearen Facebook orrialdean: https://www.facebook.com/beti.gazte.9.
