Ion Izagirreri Hitzetik Hortzeran egindako elkarrizketaren bideoa
Mirari Martiarenak aurkezlearekin aritu da berriketan Ormaiztegiko ziklista, bai bertsolaritzaz bai txirrindularitzaz. Bideo osoa albiste barruan.
![](https://goierri.hitza.eus/site/files/2024/01/ion-izagirre-hitzetik-hortzera-1.jpg)
Ion Izagirre ormaiztegiar txirrindularia izan da ETB1eko Hitzetik Hortzera bertsolaritza saioko aste honetako gonbidatua. Ormaiztegin bertan elkarrizketatu du Mirari Martiarena aurkezleak.
Aditua ez den arren, bertsolaritza gustatzen zaiola adierazi du Izagirrek, eta bertsoaldi kutuna aukeratzeko eskatu dionean, Xalbadorrek 1967ko ekainaren 11n Donostiako Anoetan jokatu zen Euskal Herriko finalean kantatutako agurraren alde egin du.
Txirrindulariz ere aritu da, iazko Tourraz, han lortutako garaipenaz, eta baita harrobia lantzeko dauden ezinen inguruan ere. “Oinarriaz ahanzten ari gara, gure gaztetxoetaz. Horiek dira etorkizuneko gure txapeldunak”.