AZENTZIO JAIAK
Herriko festetan zer kontzertu nahi duten galdetu diete gazteei
Maiatzean dira Legorretako Azentzio jaiak. Proposamenak bota ditzakete herritarrek.
Legorretako festak. Mozorro eguneko argazkia.//Ariane Vierbücher Maiatzean ospatzen dituzte legorretarrek herriko festa nagusiak diren Azentzio jaiak. Oraindik hilabete batzuk falta diren arren, aurtengo festetan zer kontzertu nahiko luketen galdetu diete gazteei. Gazte Bulegoak galdetegi bat prestatu du, eta sare sozialetan zabaldu du. Proposamenak hemen egin ditzakete herritarrek.
“Kontuan izan Legorretan gaudela eta ahalegin berezia egingo dugula, baina ezin dena ezin dela. Zuen iritzia ezinbestekoa da”, argitu du Legorretako Gazte Bulegoak sareetan.
