Olaberrian Adosen binakako partidak jokatuko dituzte bihar
Adosen Binakako Txapelketako jardunaldia, Irurtzunen. Emakume pilotarien Ados enpresak Binakako Txapelketako jaialdia antolatu du, biharko, Olaberrian. Iturriaga-Orbegozo eta Ruiz de Infante-Galeano bikoteek jokatuko dute, Olaberriko udal frontoian, esku huska. Lehen Mailako ligaxkako norgehiagoka izango da.
Jaialdia bihar 18:00etan hasiko da. Lehenbizi, Olaberriko pilota eskolako haurren arteko partidak jokatuko dituzte. Ondoren etorriko da emakumeen binakako partida.
Lehengo asteburuan, Irurtzunen gutxiengoagatik galdu zuten Ruiz de Infantek eta Galeanok, Barrokal-Agirreren aurka (22-21). Iturriagak eta Orbegozok, euren aldetik, urtea ondo hasi dute; Lizartzan, urtarrilaren 14an, 22-14 irabazi zieten Zabaletari eta Zabalari.
Goierriko Kopa ere hastera
Ekitaldia baliatuz, Goierriko Kopa pala txapelketa ere aurkeztuko dute biharko jaialdian, 20:00etan. Eskualdeko palari gizonezkoen binakako ligaxka da, eta partida bat ere jokatuko dute. Kanporaketa eran garatuko da txapelketa.
