Zegama-Aizkorri 2024
Zegama-Aizkorriko junior traileko ehun dortsalak ordu gutxian agortu dira
Mendi maratoian izena emateko epea, berriz, urtarrilaren 26an itxi zuten, eta 10.668 mendi lasterkari apuntatuta dira.
XII. Zegama-Aizkorri Junior Traileko partaideak iaz, irteera.Iñaki Gurrutxaga Historian lehen aldiz, ordu gutxiren buruan agortu dira maiatzaren 26an jokatuko den XIII. Zegama-Aizkorri junior traileko 100 dortsalak. Atzo ireki zuten izen-ematea, eta atzo bertan itxi behar izan zuten.
Bestalde, 23. Zegama-Aizkorri mendi maratoirako aurre izen-ematea urtarrilaren 26an itxi zuten, eta 10.668 izan dira apuntatu ziren mendi korrikalariak. Antolatzaileek iragarri dutenez, otsailaren 23ko zozketa baina lehen publikatuko dituzte denborazko dortsalen zerrendak eta zozketarako bakoitzaren aukeren zerrendak.
X. Zegama-Aizkorri Kilometro Bertikalerako izena eman daiteke oraindik.
2024ko Zegama-Aizkorriko datak
- Urtarrilak 29. X. Zegama-Aizkorri Kilometro Bertikalaren (18 urtetik gora) eta XIII. Zegama-Aizkorri Junior Trailaren (16-20 urte artean) aurre izen-ematea.
- Otsailak 23. Dortsalen zozketa.
- Maiatzak 24. X. Zegama-Aizkorri Kilometro Bertikala.
- Maiatzak 26. 23. Zegama-Aizkorri mendi maratoia eta XIII.en Zegama-Aizkorri Junior Traila.
