Umeentzako mendi bizikleta proba, igandean, Itsasondon
10:00etan hasiko da. Benjamin, alebin eta infantil mailetako probak izango dira.
Umeak mendi bizikletan, Beko Kale 1 zenbakiko belardian. Igandean umeentzako mendi bizikleta proba jokatuko da Itsasondon. 10:00etatik aurrera izango da, Beko Kale bukaeran dagoen eremuan. Antolatzaileek azaldu dutenez, batez ere Itsasondoko umeei zuzendutako proba izango da, baina baita eskolarteko mailan dabiltzan eta izena eman duten txirrindularientzat ere. Benjamin, alebin eta infantil mailetako probak izango dira.
Orain arte eskolarteko mendi bizikleta probetan 110 bat umek parte hartu izan dute eta antzerako parte hartzaile kopurua espero dute Itsasondon ere. Gaur iluntzera arte oraindik eman daiteke izena, udaletxeko mugikorrera idatzita.
