Inauteriak

Petral esnatu da hartza

Esnatu da hartza Seguran, eta inauteriei hasiera eman diete. Denetariko mozorroak ikusi dira: marinelak, ijitoak, lehoia eta hezitzailea, medikuak, ardiak...

Kerman Garralda

Segura

2024/02/09

Eguneko azken argi printzekin eta iluntzeko lehen tantekin batera, hartza ikusi dute Seguran, gaur. Lozorrotik esnatu berria dago eta, bistakoa denez, ez du iratzartze ona izan: mozorrotutako haurren eta familien aurka egin du, bere laguntzaileekin batera. Umeren bat edo beste beldurtu da, baina gehienek xaxatu egin dute hartza, ausart.

Min hartuz gero ere, prest zegoen mediku kuadrilla bat. Kuadrilla bat artalde bihurtu da; eta beste bat, mendi-korrikalarien tropela. Xeke-arabiarrik ere ikusi da, edota ijitoak.

Azken elkarrizketak

Azken bideoak

Argitalpen bereziak