Legazpi musika bandaren neguko kontzertua, dantza ikuskizun eta guzti
Jesus Castillejok gonbidatuta, Joseba Etxaniz zumba irakaslearen ikasle ohiak berriz elkartu dira igandeko emanaldirako.
Legazpi Musika Bandak harrituta utzi ditu berriz ere legazpiarrak, igande eguerdian Latxartegi aretoan eman zuen neguko kontzertuari dantza emanaldi alai eta bizia gehituta. Joseba Etxaniz zumba irakaslearen ikasle ohiak ziren dantzariak, Jesus Castillejo bandako zuzendariak egindako gonbidapenari erantzuteko berriz elkartu zirenak. Musikarien programan jasota zeuden Poker face eta Moliendo cafe abestietarako koreografiak prestatu eta dantzatu zituzten. Publikoak ederki gozatu zuen.
