Sorgintxuloren larunbateko ginkanarako izen-ematea bihar itxiko da
Lehen Hezkuntzako 3, 4, 5 eta 6. mailako ikasleei zuzendutako taldekako jolas saioa da, eta plazan izango da, 17:00etik aurrera. Hondarribiko aterpetxean Pazkoa astean egingo den egonaldirako tokia dago oraindik.
Bihar 14:00etan amaituko da larunbatean Sorgintxulok egingo duen ginkanarako izen-ematea. Lehen Hezkuntzako 3, 4, 5 eta 6. mailako ikasleei zuzendutako dago taldekako jolas saioa. Euskal Herria plazan izango da, 17:00etik aurrera, eta ordu eta erdiko iraupena izango da. Internetez eman behar da izena, www.legazpi.eus webgunean.
Bestalde, oraindik plaza librak daude apirilaren 2an, 3an eta 4an Hondarribiko aterpean Sorgintxulorekin egingo den egonaldirako. Joan nahi dutenek gazteria@legazpi.eus helbidera mezu bat bidali behar dute, eta entregatu behar duten dokumentazioaren informazioa bidaliko diete. Dokumentazio hori elkarteak Itxaropen auzoan duen lokalera eraman beharko dute ostiralean, 17:30etik 18;30era.
