Ampo Ordiziak garaipena eta bonusa behar ditu play off-ean sartzeko
Azken partida igandean jokatuko dute, Altamiran, Barça Rugby-ren kontra. Les Abellesek punturik ez lortzea ere behar dute.
Ampo Ordiziaren eta Pozueloren arteko partidako irudia, Altamiran, martxoaren 24an.Carlos Mediavilla Ampo Ordiziak garaipena lortu beharko du igandean jokatuko duen liga erregularreko azken partidan. Garaipena ez ezik, bonusa beharko dute play-offean sartu ahal izateko. Atzo B multzoko lehen postuan dagoen Complutense Cisneros taldearen aurka jokatu zuten Madrilen, eta galdu, 32 eta 27.
Azken hiru partidetan ez du punturik eskuratu talde goierritarrak. Igandean jokatuko dute azkeneko partida, Altamira estadioan, 12:00etan, Barça Rugby-ren kontra. Estu dago B multzoa. Lehenengo postuan dago Cisneros, 33 punturekin, Les Abelles bigarren, 29 punturekin, Barça Rugby hirugarren 26 punturekin, eta laugarrenean Ampo Ordizia, 25 punturekin. Azkeneko postua eta jaitsiera Pozuelo eta Pasek Belenosen artean dago (22 eta 21 puntu dituzte hurrenez hurren), baina beheko postuetako promozioan sartzeko arriskuan egon daiteke Ampo Ordizia punturik lortzen ez badu.
Hala, igandean garaipenaren lau puntuak eskuratzeaz gain, bonuseko beste puntua lortzeko beharrean dago, eta era berean, Les Abellesek (Complutenseren kontra jokatuko du) punturik ez lortzea behar du ligako tituluko play-offa jokatu ahal izateko.
