Legorretako XXII. Dantzari Txiki Eguna ospatuko dute igandean
Beasaingo Aurtzaka, Ordiziako Amets Bide, Zaldibiako Iztueta eta Legorretako Irrintzi Alai dantza taldeek parte hartuko dute. 11:30ean hasiko dute eguna.
Dantzari Txiki Eguna, iaz, Legorretan.Maider Insausti Legorretako XXII. Dantzari Txiki Eguna ospatuko dute igandean. Legorretako Irrintzi Alai dantza taldeak ez ezik, Beasaingo Aurtzaka, Ordiziako Amets Bide eta Zaldibiako Iztueta dantza taldeek ere parte hartuko dute ekitaldietan. 11:30ean hasiko dute eguna, dantzarien bilkurarekin eta hamaiketakoarekin. Ondoren, 12:00etan, dantza taldeek dantza egingo dute herrian barrena. Plazan egingo dute azken emanaldia. 14:00etan elkarrekin bazkalduko dute, eta bazkalostean, 16:30etik 17:30era, dantzaldi irekia izango da DJ LYMAren eskutik, enparantzan edo Herri Antzokian.
