Dantzari Txiki egunean lau talde bilduko dira Gabirian

Goruntz dantza taldeak antolatuta, Gabirian Dantzari Txiki Eguna ospatuko dute igandean. Lau talde ariko dira: Oin Arin (Lazkao), Aurtzaka (Beasain) eta Jalgi (Zarautz) gonbidatuak, eta Goruntz bera. 11:00etan plazan elkartu, kalejira egin, eta bertan amaituko da gero. Osinalde elkartean bazkalduko dute 140 lagunek, eta Modesto DJa 16:00etan hasiko da.