Eusko Legebiltzarrerako hauteskundeak
MONICA MONTEAGUDO. Sumar
«Euskadiko politikek ezkerrera egin dezaten lanean jarraituko dugu»
Monica Monteagudo Sumar koalizioko Gipuzkoako zerrendako bosgarren hautagaia.Tere Madinabeitia Igandeko emaitzen gainean «azterketa sakona» egiten ari direla esan du Monica Monteagudok Sumarren izenean. Hauteskundeak «oso polarizatuak izan dira, ia hegemonikoak diren bi aukeren artean, eta esparru hori haustea lortu dugu», dio. Bide batez, «pozik» dago herritarren zati bat «ezker konfederalari botoa emateko balioaz eta erabilgarritasunaz konbentzitu» dutelako. Lanean jarraituko dute «Euskadiko politikek ezkerrera egin eta euskaldunen bizitzak hobetzen» jarrai dezaten. Emaitzek Sumarrek «oraina eta etorkizuna» badituela erakusten dutela dio. Lanean jarraituko dutela adierazi du, «zumeak eraikitzen jarraituko dugu, Euskadiko herri eta hiri guztietan gero eta indartsuago izateko».
