Zumarragako PSE-EEren egoitzan elkarretaratzea egingo dute Pedro Sanchezi babesa adierazteko
Goierri mailako elkarretaratzea egingo dute bihar, 11:00etan. Sanchezek esan zuen «hausnartu» egin behar duela presidente karguari eustea «merezi duen»
Zumarragako PSE-EEren egoitzan Goierri mailako elkarretaratzea egingo dute bihar, 11:00etan. Pedro Sanchez Espainiako presidenteari babesa adierazteko bilduko dira.
Sanchez kargua utzi ala ez dudamudatan dago, bere emaztearen aurka Madrilgo auzitegi batek zigor auzibide bat ireki ostean, “ustelkeria eta influentzia trafikoa” egotzita. Sanchezek esan zuen “hausnartu” egin behar duela presidente karguari eustea “merezi duen”, eta bost eguneko epea eman zion bere buruari. Astelehenean agortu zaio denbora.
