Hainbat edukiontzi erre dituzte bart Legazpin
Plazaola kaleko bi gunetan erre dituzte, Aizkorri kaletik gertu. Lau edukiontzi erabat hondatu dira, eta bosgarren bat kaltetua suertatu da. Suhiltzaileek itzali behar izan dute sua.
Plazaola kaleko hainbat hondakin edukiontzi erre dituzte bart Legazpin, Aizkorri kaletik gertu. Ondoan aparkatuta zeuden autoak ez dira kaltetuak suertatu.
Udaltzaingoak adierazi dutenez, 02:00ak inguruan eman diete su edukiontziei, eta suhiltzaileek itzali behar izan dituzte. Aizkorri kaletik gertu dagoen gunean eta handik metro gutxitara dagoen beste edukiontzi gune batean izan dira gertakariak, Plazaola kalean biak. Lau edukiontzi erabat hondatu dira eta bosgarren bat kaltetua suertatu da.
