Mendi lasterketak
Goierriko hiru korrikalari Euskal selekzioarekin
Lide Urrestarazu ordiziarrak Alpeetako Saint Honoreko Skyracedesmatheysins lasterketan parte hartuko du. Aitor Zunzunegi eta Gaizka Lasa legorretarrek Tarragonan, Espainiako txapelketan.
Skyrunner World Series barruko Alpeetako Saint Honoreko Skyracedesmatheysins lasterketan parte hartuko du Lide Urrestarazu ordiziarrak asteburuan, euskal selekzioa ordezkatuz. Sasoi betean dago Urrestarazu. Aurreko asteburuan Aloñako igoeran bigarren postua eskuratu zuen.
Bestalde, Aitor Zunzunegi eta Gaizka Lasa legorretarrek Espainiako txapelketa jokatuko dute Tarragonan (Herrialde Katalanak), Paüls herrian, euskal selekzioaren izenean.
