Lazkao Txiki musika eskolak kontzertuak eskainiko ditu aste honetan
Lazkaon egunero izango dira ikasleen emanaldiak, kultur etxean edo Arerian. Ataunen ostegunean ariko dira hango ikasleak, herri eskolan. Matrikulazio epea gaur zabaldu du musika eskolak, 2024-2025 ikasturterako; Ataunen eskaintza berria izango da.
Lazkao Txiki Musika Eskolaren ekitaldi bat, Arerian.Aimar Maiz Musika-tresnetako eta taldeetako ikasleek kontzertuak egingo dituzte, aste honetan, Lazkaon eta Ataunen. Gaur, astelehena, hasiko dira, eta ostiralera arte egunero izango dira emanaldiak Lazkaon, 17:00etatik aurrera, kultur etxean edo Arerian. Ataunen ostegunean 16:15ean da kontzertua, hango ikasleekin, herri eskolan.
Bestetik, gaur bertan ireki du Lazkao Txiki Musika Eskolak 2024-2025 ikasturteko matrikulazio epea. Aste honetan barne matrikula egin ahalko dute; orain ere ikasle direnentzat da aurreneko epe hau, alegia, maiatzaren 21era arte. Ikasle berrientzat matrikulazioa maiatzaren 23tik 30era arte irekiko dute (lazkaotxikime@gmail.com; 943 08 68 69).
Ataunen modalitate berria
Musika ikasteko formula berri bat proposatuko du musika eskolak Ataunerako, ohiko eskaintzari gehituta. Ikastaro berezi hori bi esparruk osatuko dute: alde batetik, saio teoriko bat izango du ikasleak, eta, bestetik, bakoitzak aukeratutako instrumentuko beste saio bat.
Eskaintza berri hori Ataungo 10 eta 14 urte bitarteko ikasleei bideratuta egongo da. Kanpo matrikulazioaren epeetan matrikulatzeko aukera izango dute.
Lazkao Txiki Musika Eskolaren ekitaldi bat, Arerian.Aimar Maiz
