Bilkoinek igoerako play offa jokatuko du ostiralean
Areto futboleko Gipuzkoako Lehen Mailara igotzeko postua dago jokoan. Azkoitiko Ttakun taldearen aurka lehiatuko dira ostiralean, 21:30ean. Partida bakarrera da. Autobusa antolatu dute Legorretatik.
Goian ezkerretik hasita: Oier Urtaza, oier Mendizabal, Ibai Labaien, Mikel Lasa, Jon Blanko (entrenatzailea). Behean ezkerretik hasita: Iñigo Etxarri, Javier Sanchez, Ander Madinabeitia, Iker Ruiz, Ruben Neto Da Silva, Aitor Bergantiños eta Gorka Longarte. Argazkian falta direnak: Ander Nogales, Aitor Lasa, Iñigo Etxebarria.Bilkoin Legorretako Bilkoin areto futboleko taldeak igoera play offa jokatuko du, ostiralean, Azkoitian, 21:30ean, Ttakun taldearen aurka. Kanporaketa irabazten duen taldea, Gipuzkoako Lehen Mailara igoko da. Zaleak animatzera joan daitezen, autobusa antolatu dute Legorretatik Azkoitira joateko, 19:30ean. Instagrameko Bilkoinen kontutik eman behar da izena.
Denboraldia borobiltzera
Laugarren postuan geratu dira ligan legorretarrak, eta lehenengoaren aurka jokatuko dute igoerako play offa, partida bakarrera; eta bigarrenak hirugarrenaren aurka.
Aitor Bergantiños jokalariaren esanetan, “denboraldia ondo joan da, sufrituta pixka bat lesioekin, baina urte polita oraingoz. Orain borobiltzera!”.
