Gipuzkoako Gazte Tourra Ordiziara iritsiko da ekainaren 8an
Plaza Nagusian izango da ikuskizuna, 19:30ean hasita, dohainik. Aurkezlea Ayvee (Andrea Vitoria) izango da, eta artistak Dj Tintz, Tatta eta We are Espinelis. Urriaren 12an Zumarragan izango da.
Gazte Tour 2024ko aurkezpena Foru Aldundian.Gipuzkoako Foru Aldundia. Gipuzkoako Foru Aldundiko Gazteria Departamentuak “16 eta 25 urte bitarteko gazteei eskaintzen dien aisia aktiboko eta partaidetzazko” Gazte Tour kultura zirkuitua Ordiziara (ekainak 8) eta Zumarragara (urriak 12) iritsiko da aurten.
Tokiko talentu gazteen erakustaldiak izango dira parte hartuko duten lurraldeko hainbat herritan.
Ordizian, ekainaren 8an izango da, Plaza Nagusian, 19:30etik aurrera. Dohainik da ikuskizuna.
Ordiziako ekitaldian parte hartuko duten artistak dira ondorengoak.
Aurkezlea:
AYVEE (Andrea Vitoria)
Txikitatik musikarekiko grina oso handia izanik, Ayveek koreografiak sortu, abestu eta emanaldiak ematen zituen eskolan; horrela, 2020ko irailean lehen abestia atera zuen: Amaitu da. Bere inguruan ondo zabaldu zen, eta hainbat elkarrizketa egin zituen irratian, telebistan eta sare sozialetan.
Pandemiaren ondoren gertaera lazgarri bat jasan ondoren, depresioan murgildu zen, eta ezin izan zuen jarraitu musika sortzen; baina errekuperazio luze baten ondoren, bere bigarren diskoa sortu du, gertatu den guztia salatuz eta kontatuz.
Km 0 Artista: DJ TINTZ
Andoni Martinez, DJ Tintz, DJ profesionala da 2019az geroztik. Txikitatik gustatzen zaio musika, eta maiz aritzen da Santa Isabel jaietan eta Eivissako bi diskotekatan. Diskoteka batzuek disko-jartzaile egoiliar izatea eskaini dioten arren, nahiago du bere “showcase-a” ekitaldi eta publiko desberdinetara eraman.
DJ gisa hamarkada bat baino gehiago eman ondoren, Euskadiko hainbat jai eta aretotan jo du, hala nola Kube Tafallan, Lur Elizondon, Gares aretoan, Venezia aretoan eta Trova aretoan.
Artista nagusiak:
TATTA
Euskal Herriko hiri-generoko artista garrantzitsuenetako bat bihurtu ondoren, Arrasateko Tatta abeslariak Martin album berria aurkeztuko du Denso ekoizlearekin batera. Gaztea Sarietan 2023ko “Abesti Onenaren Sarirako” izendapenekin eta iaz Euskal Herrian eta Madrilen ibilita, gipuzkoarra bere unerik onenean iritsi da Martinen aurkezpenetara.
Show berrituarekin, azken urteetan hazi diren artistekin ospatuko dute azken lanaren merkaturatzea. Alde batetik, Mutiko, Tattarekin batera Gameboy lehen lana aurkeztu zuena; eta bestetik, Etxepe, 2023ko Etxepe Kids eta Etxeperreo lanak aurkezten jarraitzen dutenak.
WE ARE ESPINELIS
ESPINELIS taldea Bermeoko Herbass & M ARTA taldeek osatzen dute. Hamar urteren ondoren proiektu berri bat aurkezten dute Dj Learekin batera. Hiru emakume boteretsu dira, ondo pasatzeko prest eta giro politak sortzeko gogoz mezu argiak eta laburrak helarazten dituztenak; dena hankaz gora jartzeko asmoarekin beti.
Bere letrak, euskaraz zein gaztelaniaz, feministak, eta arrazisten eta faxisten aurkakoak dira. Bere helburua beti izan da bizi garen mundu eta gizarte bidegabeari aurre egitea. Bere musikan dancehall, reggae, techno eta antzeko estiloak entzun ahal izango ditugu.
MASTERCLASS: LEIRE DALLAS
Leire Urquijo Errenterian jaio zen eta gaur egun Madrilen bizi da. Dantzari profesionala da, hainbat urteko esperientzia du, eta irakasle eta koreografo lanak egiten ditu. Gaur egun, Arima lehiaketa taldeko koreografo gisa aritzen da Madrilen, baita Natalia Lacunzaren hurrengo tourrerako koreografoa da. Dantzaria da, besteak beste, Bad Gyal, Nicki Nicole, Rels B, Aleesha eta Vicco artisten tourretan. Gainera, Operación Triunfo 2023ko dantza taldearen parte izan da.
