Kontzertu ugari programatu ditu Doinua musika eskolak ikasturtea ixteko
Astelehenean ikasle txikienek egindako jaialdiarekin hasi dira jarduerak, eta San Joan bezperan amaituko dira, helduen emanaldiarekin. Gaur eskusoinu taldeak joko du, 18:00etan, Agirre-etxeberrin.
Perkusioko ikasleen emanaldia ekainaren 17an izango da.Tere Madinabeitia Doinua musika eskola iristen ari da ikasturte amaierara, eta urtero bezala, emanaldi ugari antolatu ditu ikasleek ikasitakoa erakutsi dezaten. Kontzertu sorta astelehenean hasi zen, eta ekainaren 23ra bitartean luzatuko da.
Orain arte bi kontzertu izan dira. Astelehenean 4-7 urteko musika eta mugimenduko ikasleek egin zuten emanaldia Latxartegi aretoan, eta asteazkenean konbo taldeen entzunaldia egin zen Kukue tabernan.
Gaur, eskusoinu taldearen txanda izango da, 18:00etan, Agirre-etxeberri parkean.
Hurrengo astetik aurrera, eta San Joan bezperara arte, beste hamalau kontzertu izango dira.
- Ekainak 4, asteartea, 18:00etan: Pianoko ikasleen entzunaldia (Anabel, Arantzazu eta Mirengu), Agirre-Etxeberriko areto handian.
- Ekainak 6, osteguna, 18:00etan: Biolineko ikasleen entzunaldia, Agirre-etxeberriko garajean.
- Ekainak 7, ostirala, 18:00etan: Trikitixa eta Pandero ikasleen entzunaldia, Agirre-etxeberri parkean.
- Ekainak 10, astelehena, 18:00etan: Pianoko ikasleen entzunaldia (Leire), Agirre-etxeberriko areto handian.
- Ekainak 11, asteartea, 18:00etan: Saxofoi eta Klarineteko ikasleen entzunaldia, Latxartegi aretoan.
- Ekainak 12, asteazkena, 18:00etan: Haize metaleko ikasleen entzunaldia, Agirre-etxeberriko parkean.
- Ekainak 13, osteguna, 18:00etan: Gitarrako ikasleen entzunaldia (Iker), Agirre-etxeberriko garajean
- Ekainak 14, ostirala, 18:00etan: Gitarrako ikasleen entzunaldia (Arturo), Latxartegi aretoan.
- Ekainak 17, astelehena, 18:00etan: Perkusioko ikasleen entzunaldia, Agirre-etxeberri parkean.
- Ekainak 18, asteartea, 17:30ean: Ahots teknikako eta Abesbatza taldeen emanaldia, Latxartegi aretoan.
- Ekainak 19, asteazkena, 18:30ean: Diploma kontzertua, Latxartegi aretoan.
- Ekainak 20, osteguna, 18:00etan: Flautako ikasleen entzunaldia, Agirre-etxeberriko areto handian.
- Ekainak 21, ostirala: Kurtso bukaerako festa, Agirre-etxeberriko parkean.
- Ekainak 23, igandea, 12:00etan: Ikasle helduen entzunaldia, San Migel elizan.
